文苑

◎落椿
鳴ききさふ棚田山田の蛙哉　雫
島原に近く住みけり春の雨　西男
鯉を釣る百本杭や春の雨　失名
辻占の待てと來ぬ夜や春の雨　洒石
新らしき蛇目匂ふや春の雨　苔花
春雨や既に忘れし猫の戀　麥人
悉く蕾のかたき椿かな　南嶽
雨に暗き庭の小隅や落椿　苔花
古草や蓬か中の蕗の臺　松風
姐に〓木を載せて〓槃哉　麥人
◎落椿
順番の隣にせまる繪踏かな　露葉
其中に跛をかしき繪踏哉　苔花
摘草や芝生の上の包もの　靄人
摘草の遠くに唄ふ妹哉　露葉
摘草に夕風寒き堤かな　大羽
摘草や落日遠き人の影　麥人
蛙ないて門邊の柳月細し　大羽
川端の柳にとまる雀かな　春堂
永き日を上野の山に遊ふ哉　司郎
蛤を三つ竝へて春邊かな　麥人
◎落椿
あとさきの考なしに飛ふ蛙　いと子
赤椿白椿と絲につなきけり　松風
鎌倉に遠足するや日の永き　春堂
蕗の臺の若き早蕨の辛き世ぞ　麥人
薫さへ若木なればの白梅か　活東
ぶらこゝや見上け見下す犬の貌　失名
摘草の四五人霞む野面哉　塵山
摘草や道潅山の晝の月　望東
繪を踏んでそら怖しき夜なりけり　西男
一つよりなくて止みぬる蕗臺　麥人
◎交雜集
船人の艀よぶなり朧月　無爲庵
おぼろおぼろ船の衝突の騷き哉　同
嫁入の提燈行くや春の宵　同
朧夜や煩惱の犬狂ひけり　同
春雨や昔床しき蛇の目傘　孤月
夜櫻や有情無情の車止　同
落花紛々劒士勝負を奔ぶ　同
山門を出れば宇治の茶摘哉　同
雀子や小坊主叱る大坊主　無爲庵
來る人も行く人もたゞ長閑也　同
花に背く療病院や土鍋粥　同
夜櫻や店清掻きも亂れぬる　孤月
啜込む蕎麥やの門や花の雨　同
諸行無常落花吊ふ晩の鐘　同